ಪಟ್ಟಣದ ಪುರಸಭೆ ವ್ಯಾಪ್ತಿಯ ಒಂಭತ್ತು ಕೊಳವೆ ಬಾವಿಗಳಿಗೆ ಅಳವಡಿಸಿದ್ದ ಕೆಬಲ್ ಕಳವು ದೂರು ದಾಖಲು!
ಕುಣಿಗಲ್ ಪಟ್ಟಣದಲ್ಲಿ ಗುರುವಾರ ತಡರಾತ್ರಿ ಪಟ್ಟಣದ ದೊಡ್ಡಪೇಟೆ,ಕೋಟೆ,ಹಾಗೂ ಅಗ್ರಹಾರದ ಸೇರಿದಂತೆ ಹಲವು ವಾರ್ಡ್ ಗಳಲ್ಲಿ ಸುಮಾರು ಒಂಭತ್ತು ಹೆಚ್ಚು ಕೋಳವೆ ಬಾವಿಗಳಿಗೆ ಅಳವಡಿಸಲಾಗಿದ್ದ ಕೆಬಲ್ ವೈರ್ ಗಳನ್ನು ಕತ್ತರಿಸಿರುವ ಘಟನೆ ಶುಕ್ರವಾರ ಬೆಳಕಿಗೆ ಬಂದಿದೆ
ಪಟ್ಟಣದಲ್ಲಿ ಕುಡಿಯುವ ನೀರಿನ ಸರಬರಾಜು ಮಾಡಲಾಗುತ್ತಿದ್ದ ಕೊಳವೆ ಬಾವಿಗಳ ಕೆಬಲ್ ವೈರ್ ಕತ್ತರಿಸಿರುವ ಕಾರಣ ಪಟ್ಟಣಕ್ಕೆ ನೀರಿನ ವ್ಯತ್ಯಯ ಉಂಟಾಗದಂತೆ ಪರ್ಯಾಯ ವ್ಯವಸ್ಥೆ ಕಲ್ಪಿಸಿ ನೀರು ಸರಬರಾಜು ಮಾಡದಾಗಿದೆ ಎಂದು ಪುರಸಭೆಯ ಮುಖ್ಯಾಧಿಕಾರಿ ಶಿವಪ್ರಸಾದ್ ತಿಳಿಸಿದ್ದಾರೆ
ಇನ್ನೂ ಘಟನೆ ಸಂಬಂಧ ಕುಣಿಗಲ್ ಪಟ್ಟಣದ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು ರಾತ್ರಿ ವೇಳೆಯಲ್ಲಿ ಪೊಲೀಸ್ ಗಸ್ತು ಹೆಚ್ಚಿಸುವಂತೆ ಪುರಸಭೆಯ ಮುಖ್ಯಧಿಕಾರಿ ಪೊಲೀಸ್ ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ, ಇನ್ನೂ ಪಟ್ಟಣದ ಪ್ರಮುಖ ಬಡಾವಣೆಯ ಜನ ಸಂಚಾರವಿರುವ ಕಡೆಗಳಲ್ಲಿ ಒಂದೆ ರಾತ್ರಿಯಲ್ಲಿ ಸರಣಿಯಾಗಿ ಒಂಭತ್ತು ಕಡೆಗಳಲ್ಲಿ ಕೇಬಲ್ ಕಳ್ಳತನವಾಗಿರುವುದು ಈಗ ಚರ್ಚೆಗೆ ಗ್ರಾಸವಾಗಿದ್ದು ಸಾರ್ವಜನಿಕರ ಆತಂಕಕ್ಕೆ ಕಾರಣವಾಗಿದೆ
ಹಲವು ತಿಂಗಳುಗಳ ಹಿಂದೆ ಹುಲಿಯೂರುದುರ್ಗ ಹಾಗೂ ಹುತ್ರಿದುರ್ಗ ಸೇರಿದಂತೆ ಗ್ರಾಮೀಣ ಪ್ರದೇಶದಲ್ಲಿ ರೈತರ ಕೊಳವೆ ಬಾವಿಗಳಿಗೆ ಅಳವಡಿಸಿದ್ದ ಕೆಬಲ್ ಕತ್ತರಿಸುತ್ತಿದ್ದ ಕಳ್ಳರು ಈಗ ನಗರ ಪ್ರದೇಶಕ್ಕೂ ಕಾಲಿಟ್ಟಿದ್ದಾರೆ,
About the Author
